Əksər insanlar öz çəkisinə özləri nəzarət etməyə çalışır,amma vacib deyilki bu, hər zaman belə olsun. Piylənmə xroniki bir xəstəlikdir və ona nəzarət bütün həyatınız boyu davam edən prosesdir.
Həkiminizlə söhbət sizin məlumatlı olmadığınız və ya nəzərə almadığınız müalicələr üçün qapılar aça bilər.
Həkiminizin adətən pasiyentlərə öz sağlamlıq məqsədlərinə nail olmaqda necə kömək etdiyi barədə təsəvvür əldə etmək üçün söhbəti digər insanlar kontekstində qurun. Öz çəki tarixçəniz və gələcək üçün gözləntiləriniz haqqında danışmağa hazır olun.
Həkiminiz arıqlama planınıza uyğun olan məntiqli və realistik məqsədləri müəyyənləşdirməyə kömək etməlidir. Özünüzü daha yaxşı hazırlaşdırmaq üçün müalicə müddətində və sonunda hansı nəticələr alacağınızı həkiminizlə məsləhətləşin.
Bəzən həkiminiz bir və ya bir neçə müalicə planı təklif edə bilər. Məqsəd fiziologiyanız, psixologiyanız və davranışınız kimi piylənmə səbəblərini ən yaxşı şəkildə aradan qaldıran müalicə üsullarını seçməkdir.
Bu, vacib məsələdir, çünki müalicədə vahid yanaşma yoxdur. Sizin həkiminiz sizin arıqlama planına uyğun test, qiymətləndirmə və müalicə üsullarını müəyyən etmək üçün sağlamlıq vəziyyətinizi, habelə əvvəlki müalicələrinizi nəzərdən keçirəcək.
Öz BKİ-nizi hesablamısınızmı? Çəkinizə görə artıq çəki kateqoriyasına daxil olub-olmadığınızı müəyyən edin.
Həkiminiz müalicə planınızdan asılı olaraq, hansı müntəzəmlikdə müayinə olunmalı olduğunuz barədə sizə məsləhət verəcək.
Arıqlama üçün tibbi xərcləri ödəyən sistemlər müxtəlif ölkələrdə çox fərqlənir. Bunu yerli səhiyyə strurukturları ilə aydınlaşdıra bilərsiniz.
Piylənmə mürəkkəb xroniki bir xəstəlikdir. Bilməlisiniz ki, sizə uğur qazanmağa kömək etmək üçün həkiminizdə bir neçə yanaşma var. Müalicə planınız arıqlama gözləntilərinə uyğun gəlmədiyi halda, həkiminiz ona sizin üçün düzəliş edəcəkdir.
Bu, çox sərt səslənə bilər, lakin özünüzü etibarlı əllərdə hiss etməyiniz vacibdir. Sizə bu proses boyunca əsl tərəfdaş olacaq, daim sizinlə dialoq quracaq və uğurunuz üçün məsuliyyəti bölüşəcək həkim lazımdır.
Arıqlama məqsədlərinə bir gündə nail olmağın mümkün olmadığını bilmək vacibdir. Amma həkiminiz bu gün bu prosesə başlamağınıza kömək edəcək. Məsələn, bu, sağlam qidalanma və fiziki aktivlik ola bilər.
Piylənmə genetika ilə bağlı ola bilər və bu proses zamanı təsir edə biləcək genetik faktorlardan xəbərdar olmaq vacibdir. Öz unikal irsiniz əsasında pəhrizinizi və həyat tərzinizi necə müəyyən edəcəyinizi və arıqlama məqsədlərinə necə nail olacağınızı öyrənmək üçün həkiminizlə məsləhətləşin.
Sizin həkiminiz arıqlama məqsədlərinizə nə vaxt nail olacağınız barədə sizə təxmini vaxt bildirəcək. Həkimlərin ehtimalı çox güman ki, arıqlama gözləntiləri, sizin həyat tərziniz və yanaşı gedən digər xəstəliklər kimi müxtəlif amillərə əsaslanacaq.
Həkiminizdən sizi digər mütəxəssislərə yönləndirməyi xahiş edin – endokrinoloqlar, dietoloqlar və psixoloqlar faydalı ola bilər.
Bundan başqa arıqlamaq üçün dostlar, ailə üzvləri kimi dəstək qrupları var. Müalicənizə digər insanları cəlb etmək motivasiyanı saxlamağa kömək edə bilər.
Arıqlama planınızın sağlamlıq üçün faydaları bilmək və anlamaq motivasiyanızı saxlayacaq. Yaxşı xəbər odur ki, hətta beş faiz və ya daha çox arıqlama sağlamlığınıza müsbət təsir göstərə bilər.
Həkimi ziyarət edəndə əlinizdə mühüm sualların siyahısının olması mümkün sağlamlıq problemlərini həll etmək üçün sizə istinad nöqtəsi verir.
Həkiminizə doğru suallar vermək yalnız başlanğıcdır.
Müalicə məqsədinizi özünüzə bir daha xatırladın və məqsədlərinizə nail olmaq üçün həkiminizlə birlikdə çalışın.
Hər bir arıqlama prosesində maneələr və problemlər olur. Amma buna baxmayaraq məqsədinizdən dönməyin.
Həkiminizə bu sualları verməyiniz prosesə başlamağınıza kömək edəcək. Həkiminizdən görüş alaraq prosesə başlayın.
Həkiminizə verəcəyiniz 13 suallıq siyahını yükləyin.
